Storieboom (Afrikaans, Paperback)

Die boek sal leerders aan die lees kry en aan die lees hou. Oxford storieboom leesboek 3 is geskryf in vandag se taal vir vandag se kinders. Dit gaan oor sake van die dag: tsoenamis, opwindende China, n oomblik saam met een van ons eie Olimpiese swemhelde, hoe om jouself in te burger (en maats te maak) in die vreemde ... tot 'n yskas wat praat. Van die beste skrywers in Afrikaans dra by: Antjie Krog, Marita van der Vyver, Francois Bloemhof, Philip de Vos, George Weideman, Pieter W. Grobbelaar en Danie Marais. Die tekste sal tot elke Suid-Afrikaanse kind spreek ongeag leesvaardigheid of agtergrond. Dit dek die lewe soos hulle dit ken, waar hulle ook al vandaan kom. Humor loop soos 'n draad deur die leesboek (soos die illustrasies getuig). Interessante koerantbrokkies bring ook verre werelddele tot binne-in die klaskamer. Al praat die Afrikaans van Leesboek 3 padlangs, getuig elke bladsy van gehalte-taalonderrig. Die bundel is saamgestel deur Rachelle Greeff, skrywer en boekeredakteur.