Meer As Net 'n Ma - Stories En Raad Uit Die Hart Van Die Naguilklub (Afrikaans, Paperback)

Instagram, Facebook, perfeksie. Die beeld wat op sosiale media van ouerskap voorgehou word is lieflik, maar o só ver van die werklikheid af. En moenie vergeet van die mommy wars nie: keiser of normaal, bors of bottel, om te sleep train of nie...

Lente, Juanli en Suzanne, drie doodgewone ma’s, het genoeg gehad van die mededinging en oordeel – ma’s behoort eerder vir mekaar 'n village te wees. En só is Die Naguilklub gebore: ’n oordeelvrye digitale ruimte waar ma’s mekaar inspireer en ondersteun deur die brutale fase van slapelose nagte, snotneuse en tantrums.

In dié boek deel die stigterlede hul persoonlike ouerskapervarings – sonder filters of voorgee – en gee raad sodat ander ma's kan sê: Ek ook! Meer As Net ’n Ma is eerlik, hartroerend, dikwels skreeusnaaks en gevul met die soet en swaarkry van ouerskap.